myteen

საიტი გაუქმებულია!

მთავარი გვერდი

ცეკვავენ ვარსკვლავები\dancing with the stars
ფინალის მოლოდინი მართლაც დიდია, მაგრამ შედეგი მოსალოდნელი და ვგონებ, ადვილად პროგნოზირებადიც. მაყურებლის თვალში, პროექტის გამარჯვებულად პუბლიკის რჩეული სამორი ბალდე მოიაზრება, რომლის თავმდაბლობა და მონდომება გულგრილს ვერავის ტოვებს. მაინც რა არის სამორის წარმატების საიდუმლო? –შესანიშნავი პლასტიკა და სხეულის ფლობა, სიახლის ადვილად ათვისების უნარი, თავმდაბლობა, შესაფერისი პარტნიორი და ბოლოს, საოცრად ქარიზმატული და ეგზოტიკური გარეგნობა. http://ialinda.files.wordpress.com/2012/05/samori-da-lika2.jpg ცალკე მსურს ვისაუბრო სამორის ღირსეულ პარტნიორზე. უნდა გამოვტყდე, რომ გასულ ოთხშაბათამდე სათანადოდ ვერ ვაფასებდი ლიკა ლაბაძის შესაძლებლობებს. რატომღაც მეჩვენებოდა, რომ ლიკა საკმაოდ უფერული და არაფრით გამორჩეული მოცეკვავე იყო საერთო ფონზე, ყოველ შემთხვევაში, ცეცხლოვანი სალომე ჭაჭუა სხვა მოცეკვავე გოგონასკენ გახედვის უფლებას აქამდე არ გვაძლევდა. მაგრამ მივხვდი და იმედია მაყურებელიც დამეთნახმება, რომ საქმე არა მის უფერულობასა და არაპროფესიონალიზმში, არამედ მეწყვილესთან სრულიად ჰარმონიულ დამოკიდებულებაში ყოფილა. ლიკა არ ცდილა თავად ყოფილიყო გამორჩეული და საკუთარ თავზე გადაეტანა ჟიურის თუ მაყურებლის ყურადღება, მან გუნდური პრინციპით იმუშავა სამორთან მთელი პროექტის განმავლობაში და მისი საცეკვაო შესაძლებლობები სრულად წარმოაჩინა. თუმცა, ბოლო დროს შესრულებულმა ჰიპ–ჰოპმა და ჯაივმა დაარწმუნა მაყურებელი, რომ საქმე მართლაც პროფესიონალთან და უდიდესი ენერგიის ადამიანთან ჰქონია.
კატეგორია: ვარსკვლავები \| ნანახია: 638 \| დაამატა: selenator \| ტეგები: varskvlavebi cekvebi