ალბათ გახსოვთ ის დრო, როდესაც მიუჯდებოდით ტელევიზორს და მოუთმენლად ელოდით დისნეის რომელიმე მულტფილმის ეთერში გასვლას. შეიძლება ითქვას, რომ ჩვენ გავიზარდეთ ფიფქია და შვილი ჯუჯასთან, პიტერ პენთან, ალადინთან და მრავალ სხვა მულტფილმთან ერთად. XX საუკუნის დასაწყისში ყველასთვის ცნობილმა უოლტ დისნეიმ შექმნა თავისი პირველი, ერთწუთიანი ფილმები: იგი პერსონაჟებს იგონებდა, მისი მეგობარი იუბ ივერსკი კი ხატავდა მათ და შემდეგ ფირზე გადაჰქონდა. ( დაწვრილებითი ინფორმაცია იხილეთ აქ ) მოდით გადავავლოთ თვალი Top 10: დისნეის საუკეთესო მულტფილმებს.

ფიფქია და შვიდი ჯუჯა, 1937


"ფიფქიას" დისნეის ვერსია იყო პირველი მხატვრული ფილმი. ალბათ, არცერთი 30 წლის ზრდასრული ადამიანი არ დახარჯავს ძალისხმევას და ფულს იმისთვის, რომ შექმნას საბავშვო მულტფილმი. არავინ, გარდა უოლ დისნეისა. ამ ანიმაციური ფილმის შექმნისთვის მას ესაჭიროებოდა 500 მხატვარი, ხოლო ამ საქმის გაკეთებისთვის კი 3 წელი. "ფიფქია და შვიდი ჯუჯას" პრემიერა კართეის მრგალ თეატრში შედგა. ეს მულტფილმი როდი იყო მხოლოდ ახალგაზრდა და ზრდასრულ ადამიანებში წარმატებული, ამის გარდა ამ მხატვრულ ფილმს ოსკარიც აქვს მიღებული! ამ მულტფილმა 8 მილიონ დოლარზე მეტი მოუტანა დისნეის სტუდიას.

პინოქიო, 1940

პინოქიო 1940 წელს გამოვიდა და ის იყო უოლტ დისნეის მეორე მხატვრული მულტფილმი. ეს არის მარიონეტი თოჯინას ამბავი. ის კეთილმა ფერიამ გააცოცხლა, მაგრამ ის უნდა იყოს მამაცი, გულახდილი და კეთილი, რათა გადაიქცეს ნამდვილ ადამიანად. რაღა თქმა უნდა, ეს მულტფილმიც კარგად მთავრდება: ბოლოს, პინოქიო ნამდვილი ადამიანი ხდება და იქცევა ცოცხალ ბიჭუნად.

ბემბი, 1942

ბემბი 1942 წელს გამოვიდა და პრემიერა 13 აგვისტოს შედგა. ეს მულტფილმი შემდეგში მდგომარეობს: ტყის მოსახლეობა იჩენს აგრესიას ცხოველების მიმართ, ხოლო ბემბი კი არის ერთადერთი თვალსაჩინო სიმბოლო, რომელიც იცავს ცხოველებს. ალბათ ეს არის ერთ-ერთი მულტფილმი, რომელიც ბავშვებს თანაგრძნობას ასწავლის. სტივენ სპილბერგმა ამას ყველა დროის ყველაზე სევდიანი მულტფილმი უწოდა.

პიტერ პენი, 1953

პიტერ პენი 1953 წელს გამოშვებული მულტფილმია, რომელიც ეკუთვნის უოლტ დისნეის. პიტერ პენი ერთი ბიჭუნაა, რომელსაც ფრენაც კი შეუძლია და არ უნდა გაზრდა. ის დარლინგების სახლს ესტუმრება და ამის შემდეგ ვინდი დარლინგთან და გოგონას პატარა ძმებთან ერთად უამრავი თავგადასავალი გადახდება თავს.

პატარა ქალთევზა, 1989

მულტფილმა ქალთევზას შესახებ მიიღო მუსიკალური ჯილდო, 2 ოსკარი და 2 ოქროს გლობუსი 1990 წელს, ხოლო 1991 წელს კი გრემი.

პატარა ქალთევზა, სახელად არიელი შეყვარებულია პრინცზე. ის ოცნებობს, რომ იყოს მასთან ერთად. ამის შემდეგ გამოჩნდება ბოროტი კუდიანი ურსულა, რომელიც არიელს ხმას წააართმევს და ფეხებს კუდად უქცევს. ბოლოს სიკეთე იმარჯვებს ბოროტებაზე, ქალთევზა არიელი ნამდვილ გოგონად იქცევა და რჩება თავის საყვარელ პრინცთან.

მზეთუნახავი და ურჩხული, 1991

90-იანების დასაწყისში ეს იყო დისნეის ყველაზე წარმატებული ანიმაციური ფილმი, მან მიიღო ოსკარი.

ეს ძალიან ლამაზი ისტორია ერთ გოგონაზეა, რომელსაც ბელი ჰქვია. მას ჰყავს მამა, სახელად მორისი რომელსაც
ურჩხული დაამწყვდევს, მაგრამ ბელის სანაცვლოდ იგი მორისს უშვებს. თავიდან ბელის ცუდად ექცეოდა ურჩხული, მაგრამ შემდეგ ერთმანეთი შეუყვარდათ. ფილმის დასასრულს კი ურჩხული პრინცად გადაიქცევა.

ალადინი, 1992

ალადინი 1992 წელს იქნა გადაღებული კომპანია უოლტ დისნეის მიერ. ეს 1992 წლის ყველაზე წარმატებული ფილმი გახლდათ. მულტფილმის შინაარსი შემდეგში მდგომარეობს: ალადინი ერთი ვაჭარი, ღარიბი ბიჭია, რომელსაც შეუყვარდება სულთნის უმშვენიერესი ქალიშვილი - ჟასმინი. მათ ერთანეთი შეუყვარდებათ და რჩებიან ერთად

მეფე ლომი, 1994

მეფე ლომი 1994 წელს გამოვიდა. ეს ძალზე გულის ამაჩუყებელი მულტფილმი ერთ მეფე ლომზეა, რომელსაც ეყოლება შვილი სახელად სიმბა. სიმბას ბიძა ძალაუფლების მოყვარულია, სწორედ ამიტომ ის მეფე ლომს კლავს და ადის ტახტზე. ამ დროს სიმბა გადაკარგულია და ყველას მკვდარი გონია. ფილმის დასასრულს სიმბა თავის ადგილს იკავებს და ხდება მეფე.

ლილო და სტიჩი, 2002

ლილო და სტიჩი - უოლტ დისნეის კიდევ ერთი მულტფილმი, რომელიც გამოვიდა 2002 წელს. ეს ფილმი ერთ პატარა, ობოლ გოგონაზეა, სახელად ლილო, რომელიც უფროს დასთან ერთად ცხოვრობს. მოგვიანებით ის უმეგობრდება სტიჩის და მათ უამრავი თავგადასავალი გადახდებათ თავს.

რაპუნცელი, 2010

2010 წელს კომპანია დისნეიმ გამოუშვა თავისი 50-ე მულტფილმი, სახელწოდებით "რაპუნცელი". ფილმის პრემიერა 2010 წლის 24 ნოემბერს შედგა და ის მოგვითხრობს ერთ ოქროსფერთმიან გოგონას შესახებ, რომელსაც შეუყვარდება ყაჩაღი ფლინი და ერთად უამრავი თავგადასავალი გადახდებათ თავს.

by:♥AniBelieber♥