დასავლურ კულტურაში ურთიერთობის უმნიშვნელოვანესი ელემენტი ღიმილია. მეტიც, იგი ყველაზე მნიშვნელოვანი პუნქტია, რომელიც უნდა აითვისოთ თუ გინდათ დასავლურ კულტურაში სწრაფი ადაპტირება. ხშირად გვიფიქრია თუ როგორი "პლასტმასის” და არა გულწრფელია ასეთი ღიმილი. უნდა გვახსოვდეს, რომ დასავლეთში ღიმილი – თავაზიანობის ელემენტია.
ოჯახში და სკოლაში აღზრდა მიმართულია ამ მნიშვნელოვანი კომუნიკაციური თვისების აუცილებელ გამომუშავებაზე. ამას ბავშვობიდანვე ასწავლიან, როგორც მადლობის თქმას და ა.შ. გაგიკვირდებათ და შექმნეს სპეციალური მოწყობილობა Electro Smile, რომელიც აჩვევს ბავშვს ღიმილს. ამერიკასა და იაპონიაში ბავშვებს პატარაობიდანვე ასწავლიან ტუჩების გაწელვას ღიმილის და 32 კბილის გამოსაჩენად. ხანდახან ამას მექანიკური ტრენაჟორების საშუალებითაც ახდენენ.
აღნიშნული ტრენაჟორი – მსუბუქი კონსტრუქციაა, რომელიც ფიქსირდება, როგორც სათვალე. იწონის 148 გრამს. ყ
ვიმალების მიდამოში გამოტანილია 2 ელექტროდი, რომლებიც გარკვეული სიხშირით აგზავნიან სუსტ ელექტრო სიგნალებს, რომლებიც ასტიმულირებს ტუჩის გამწევ კუნთებს. ბავშვები ვერც ამჩნევენ ისე ეჩვევიან გაღიმებას. ბავშვი ამ დროს არანაირ დისკომფორტს არ გრძნობს. სამაგიეროდ მიეჩვევა გაღიმებას ნებისმიერ შეხვედრაზე, როგორც ეტიკეტითაა მიღებული.
იაპონიაში აღნიშნული მოწყობილობა, რეკომენდებულია სკოლებში ჯანდაცვის ასოციაციის მიერ. ამერიკელმა მშობლებმა, ამ პროდუქტის გამოჩენისთანავე მიმართეს სპეციალისტებს. როგორც ირწმუნება ფსიქოლოგი – Electro Smile აბსოლუტურად უსაფრთხოა და მისი გამოყენება არანაირ ნეგატიურ ზემოქმედებას არ ახდენს ბავშვის ფსიქიკაზე. თუმცა რჩევების მიცემისას სპეციალისტმა დაამატა, რომ სკოლაში ურთიერთობისა და ადაპტაციის პრობლემების არსებობისას მარტო ღიმილი საქმეს ვერ უშველის. ასეთ შემთხვევაში საჭიროა ინდივიდუალური ფსიქოლოგიური კონსუტლაცია.
აღნიშნული ტრენაჟორის ფასი 700 დოლარია.
თუნდაც ხელოვნური, პლასტმასის ღიმილი, არც თუ ისე ცუდია. არ მოგბეზრდათ გარშემო მუდამ დაღვრემილი და პირქუში სახეები?
ხალხნო გაუღიმეთ ერთმანეთს ხშირად!
